16.02.2026

STADA-nın Avrasiya regionuna yeni rəhbər təyin edildi

STADA şirkəti reseptsiz satılan dərman vasitələri və istehlakçı sağlamlığı məhsulları seqmentində öz liderliyini möhkəmləndirməyə, eləcə də ceneriklər və xüsusi preparatlar istiqamətində mövqelərini gücləndirməyə davam edəcəkdir.

16 fevral 2026-cı il, – Almatı. STADA şirkətinin Avrasiya regionu üzrə yeni rəhbəri təyin edilib. Yeni rəhbər Sanofi və Haleon da daxil olmaqla, bir sıra bu kimi beynəlxalq əczaçılıq nəhənglərində rəhbər təcrübəsi olan Kuanış Ospanovdur. Kuanış Qazax İqtisad Universitetinin “İqtisadiyyat və Maliyyə” ixtisasını bitirib, eləcə də Roçester Texnologiya İnstitutunun menecment və biznes inzibatçılığı üzrə bakalavr dərəcəsinə yiyələnib. STADA şirkətində Kuanışın əsas vəzifələri şirkətin CHC (Consumer Healthcare) və OTC (Over-the-Counter) seqmentlərində liderliyini daha da möhkəmləndirmək, habelə ceneriklər və xüsusi dərman vasitələri (bioanaloqlar da daxil olmaqla) mövqelərini gücləndirmək olacaqdır.

“Son bir neçə ildə STADA şirkəti regionda olduqca təsiredici inkişaf yolu qət edib. Mən isə bu irsə öz töhfəmi verərək onu daha da artıracağıma şadam. İnsanların sağlamlığının qayğısına qalaraq və səhiyyə sisteminin etibarlı tərəfdaşı olaraq STADA şirkətinin peşəkar komandası ilə birlikdə Avrasiyanın gələcək illərdə də şirkətin stabil inkişafını təmin edən əsas regionlardan biri kimi qalması üçün bütün gücümü sərf edəcəm”, – deyə Kuanış qeyd edib.

STADA şirkəti olaraq Avrasiya regionu ölkələrində şirkətə beş ildən artıq səmərəli rəhbərlik etdiyinə görə Arminas Matseviçusa təşəkkürümüzü bildiririk. Onun rəhbərlik etdiyi 2023-2025-ci illərdə şirkətin gəlirləri ikiqat artmış və dayanıqlı nəticələr əldə edilmişdir.

STADA – 130 ildən çoxdur ki “Tərəfdaşlar və istehlakçılarla etibarlı münasibətlər qurmaqla insanların sağlamlığına qayğı göstərmək” missiyasına riayət edən beynəlxalq əczaçılıq şirkətidir. STADA şirkətinin əsas istiqamətləri – Consumer Healthcare (CHC) seqmentinin məhsulları, ceneriklər və xüsusi preparatlardır (bioanaloqlar da daxil olmaqla).

STADA şirkətinin məhsulları dünyanın 120 ölkəsində nümayiş olunur.

2022-ci ildə MDB ölkələri regionu müstəqil biznes bölməsinə çevrilərək adı “Avrasiya” olaraq dəyişdirilmiş və birbaşa olaraq Almaniyadakı qərargaha tabe olmuşdur. “Avrasiya” regionunun baş ofisi Almatı şəhərində yerləşir. Şirkət həmçinin regionun əksər ölkələrində, o cümlədən Qazaxıstanda STADA Arzneimittel AG hüquqi şəxslərini qeydiyyatdan keçirmişdir. 01 aprel 2023-cü ildən etibarən STADA şirkəti “Avrasiya” regionunda Sanofi şirkətinin reseptsiz satılan preparatlarının portfelini təqdim edir. “Avrasiya” regionunda STADA şirkətində 500-ə yaxın əməkdaş çalışır.