18.03.2026
STADA 2025-ci ilin yekunlarına görə dayanıqlı artım nümayiş etdirməyə davam edir
• Qrupun düzəliş edilmiş gəliri 6% artaraq 4,3 milyard avroya çatmış, bununla belə xüsusi preparatlar, istehlakçı sağlamlığı və ceneriklər timsalında hər üç seqmentdə 2025-ci ildə artım müşahidə olunmuş, sabit valyutada düzəliş edilmiş EBITDA göstəricisi isə 8% artaraq 961 milyon avroya çatmışdır.
• STADA şirkətinin xüsusi preparatlar seqmentinin gəliri 2025-ci ildə bioanaloqlar və innovativ dərman preparatları hesabına 17% artım nümayiş etdirməklə ilk dəfə olaraq 1 milyard avronu ötmüşdür.
• STADA şirkətinin Baş icraçı direktoru (CEO-su) Piter Qoldşmidt: “Qərbi Avropa, Mərkəzi və Şərqi Avropa, Almaniya, eləcə də Yaxın Şərq və Asiya olmaqla bütün regionlarımız inkişafımıza mühüm töhfə vermişdir. Sözügedən sahəni qabaqlayan artımın əsas hərəkət etdirici qüvvələri kimi hər üç seqmentimizdə həyata keçirilmiş bir sıra uğurlu tanıtdırmalar olmuşdur. Qeyd edim ki, təkcə 2025-ci ildə 110 yeni məhsulu lisenziyalaşdırmışıq ki, bu da uğurlu gələcəyimiz üçün daha güclü məhsul portfelimizi təmin etməkdədir”.
Bad Vilbel, Almaniya – 18 mart 2026-cı il. – 2025-ci ildə STADA şirkəti istehlakçı sağlamlığı, ceneriklər və innovativ preparatlar da daxil olmaqla xüsusi preparatlar seqmentlərində pasiyentləri və tibb işçilərini geniş çeşiddə dərman vasitələri və sağlamlıq məhsulları ilə təmin edən özünün üç seqmentdən ibarət strategiyasının uğurlu olduğunu yenidən nümayiş etdirmiş oldu.
31 dekabr 2025-ci il tarixində başa çatmış maliyyə ilinin yekunlarına görə, Qrupun sabit valyutada düzəliş edilmiş gəliri (adj. cc) 6% artaraq 4,3 milyard avroya çatmışdır. Qrupun birdəfəlik maddələr üzrə düzəliş edilmiş və sabit mübadilə məzənnələri ilə hesablanmış, həmçinin faizlər, vergilər və amortizasiya çıxılanadək olan EBITDA göstəricisi 8% artaraq 961 milyon avroya çatmışdır.
“Qərbi Avropa, Mərkəzi və Şərqi Avropa, Almaniya, eləcə də Yaxın Şərq və Asiya olmaqla bütün regionlarımız inkişafımıza mühüm töhfə vermişdir. Sözügedən sahəni qabaqlayan artımın əsas hərəkət etdirici qüvvələri kimi hər üç seqmentimizdə həyata keçirilmiş bir sıra uğurlu tanıtdırmalar olmuşdur. Qeyd edim ki, təkcə 2025-ci ildə 110 yeni məhsulu lisenziyalaşdırmışıq ki, bu da uğurlu gələcəyimiz üçün daha güclü məhsul portfelimizi təmin etməkdədir” – deyə STADA şirkətinin Baş icraçı direktoru (CEO-su) Piter Qoldşmidt şərh edib.
Bioanaloqlar və innovativ preparatlar sahəsindəki artım sayəsində xüsusi preparatlar seqmenti 1 milyard avro həddini keçmişdir
“Specialty” seqmentinin gəliri sabit valyutada düzəliş edilmiş baza üzrə 17% artmışdır və hazırda Qrupun ümumi gəlirinin demək olar ki dörddə birini təşkil etməkdədir.
Beləliklə, bu seqmentimiz son illərin ikiqat artım templəri trayektoriyasını qoruyub saxlamışdır.
Bütün Avropa ölkələrindəki güclü marketinq və satış platforması ilə birlikdə Avropa və Çin tərtibatçılarının sınaqdan keçmiş tərəfdaşlığına əsaslanaraq, bioanaloqların satışı ikiqat artım templəri nümayiş etdirmişdir. Əsas hərəkətetdirici qüvvələr kimi tanıtdırıldığı 20-dən çox bazarın hamısında aparıcı mövqe qazanmış “Uzpruvo” (ustekinumab) brendinin davamlı inkişafı, habelə sümük toxumasının sağlamlığı, immunologiya və onkologiya da daxil olmaqla, geniş spektrli terapevtik sahələrdə mövcud bioanaloqlar portfelinin sonrakı inkişafı olmuşdur.
STADA şirkəti 11 adda təsdiqlənmiş məhsuldan ibarət geniş portfeli ilə Avropanın bioanaloqlar bazarının liderlərindən biri kimi öz mövqeyini möhkəmləndirir, habelə Avropada coğrafi iştirakı və pasiyent əhatə dairəsi ilə az sayda rəqiblərini üstələməklə, 2026-cı il üçün beş bioanaloqun, o cümlədən “golimumab” və “tocilizumab” preparatlarının tanıtdırılmasını planlaşdırır.
İnnovativ dərman preparatları da irəliləyiş göstərərək, nefrologiya və nevrologiyada ağır vəziyyətlərin müalicəsi istiqamətində pasiyentlərin öz sinfinin ən yaxşı metodlarına çıxışını genişləndirmişdir.
“Kinpeygo” preparatının yüksək ikiqat artım templəri göstərişlərin uğurla genişləndirilməsi ilə bağlı olmuşdur ki, bu da preparatın nadir böyrək xəstəliyi olan IgAN-dan əziyyət çəkən pasiyentlərin daha geniş əhatəsi üçün istifadəsinə imkan yaratmışdır. Avropanın 19 ölkəsindəki tanıtdırıldıqdan sonra, “Kinpeygo” preparatının tətbiqi “KDIGO” təşkilatının kliniki tövsiyələrinə daxil edilməsi, habelə kliniki istifadəsinin təhlükəsizliyi və effektivliyi barədə məlumatlar sayəsində əlavə olaraq sürətlənmişdir. Əlavə bazarlarda tanıtdırmalar 2026-cı və sonrakı illər üçün planlaşdırılır.
Nevrologiya sahəsində bağırsağa yeridilmə üçün Lecigon infuziya pompasının Fransa və Böyük Britaniya da daxil olmaqla, əlavə ölkələrdə tanıtdırılması Parkinson xəstəliyinin gecikmiş mərhələlərində olan insanlar üçün preparata çıxış imkanlarını genişləndirmişdir. STADA şirkəti orta və ağır dərəcəli parkinsonizmli pasiyentlərin müalicəsində dərialtı infuziya cihazında istifadə olunan “apomorphine” məhlulu ilə Avropada geniş uğur qazanmaqla yanaşı bu terapiyanı özünün “Supernus” tərəfdaşı ilə birlikdə “ONAPGO” brendi altında tutumlu ABŞ bazarına çıxarmışdır. Bundan əlavə, 2025-ci ildə STADA şirkəti “nilotinib” və “paclitaxel albumin” preparatlarının tanıtdırılması hesabına “Specialty” onkoloji portfelini genişləndirmişdir.
“Rivaroxaban” – ceneriklər seqmentində qabaqlayıcı artım bazarının hərəkətetdirici qüvvəsidir
2025-ci ildə ceneriklər seqmentinin gəliri 5% (adj. cc) artmışdır, və nəticədə u seqment Avropa bazarını qabaqlamağa davam etmişdir. Əqli mülkiyyət sahəsindəki öz güclü mövqe sayəsində reallaşdırılan “rivaroxaban” preparatının uğurlu təqdimatı sayəsində ceneriklərin inkişafı əhəmiyyətli dərəcədə təmin edilmişdir. Preparatların bazara uğurlu çıxarılması və kommersiya sinergiyaları sayəsində Almaniya, İtaliya, İspaniya, Belçika, İrlandiya, Şimali Avropa ölkələri, Serbiya və İsveçrə kimi ölkələrdəki pərakəndə ceneriklər bazarının üç aparıcı şirkəti arasında STADA şirkətinin mövqeyini möhkəmləndirmişdir.
“Apixaban”, “dabigatran” və “ticagrelor” kimi kardiologiya preparatları, eləcə də bir sıra statinlər “Generics” seqmentinin nəticələrinə əlavə töhfə vermişdir. STADA şirkəti həmçinin yerli cenerik portfellərindəki boşluqların doldurulmasından faydalanmışdır – məsələn, Belçikada “enoxaparin” preparatının və Böyük Britaniyada “Proxor” (beclomethasone/formoterol) inhalyatorunun satışa çıxarılması hesabına.
Soyuqdəymə və qrip mövsümünün yüngül keçməsinə baxmayaraq, istehlakçı sağlamlığı seqmenti yerli lider brendlərin hesabına böyüyür
Əsas bazarlarda soyuqdəymə və qripə yoluxma hallarının nisbətən az olmasına baxmayaraq, istehlakçı sağlamlığı seqmenti 2025-ci ildə yaxşı nəticələr göstərərək, 2% (adj. cc) gəlir artımı nümayiş etdirmişdir. Soyuqdəymə və qrip əleyhinə vasitələr kateqoriyasından kənarda STADA şirkəti, sahə üçün rekord sayda brendin stabil güclü nəticələri hesabına “mid-single-digit” səviyyəsində artım təmin etmişdir ki, bu brendlər müxtəlif kateqoriyalar üzrə milli reytinqlərin yuxarı pillələrində qərarlaşır: dermatologiyada “Nizoral”, “Levomecol” və “Cetraben”; qastroenterologiyada “Elotrans” və “Protectis”; habelə vitaminlər, minerallar və nutrisevtiklər kateqoriyasında “Eunova”, “Walmark” və “Natures Aid”. Bu seqment “Nizoral” brendi altında baş dərisinə qulluq vasitələri xəttinin genişləndirilməsi də daxil olmaqla, “Nizoral Care Conditioner” və “Nizoral Cream” kimi preparatların bir sıra əhəmiyyətli tanıtdırmaları və məhsul xətlərinin genişləndirilməsi hesabına öz inkişaıfnı davam etdirmişdir. STADA şirkətinin Böyük Britaniyadakı aparıcı brendi olan “Zoflora” ev gigiyenası və dezinfeksiyaedici vasitələr seqmentlərində məhsul xəttinin genişləndirilməsindən faydalanmışdır.
İstehlakçı trendlərini əks etdirən və onları qabaqlayan STADA şirkəti Qrupun media üçün nəzərdə tutulmuş büdcəsinin yarısından çoxunu rəqəmsal kanallara yönəltməklə 2022-2025-ci illər ərzində eCommerce satışlarının həcmini demək olar ki iki dəfə artırmışdır. Öz coğrafi iştirakını genişləndirməklə, eləcə də Google, TikTok və Instagram kimi platformalarda istehlakçılarla qarşılıqlı əlaqədə omnikanal yanaşmanı tətbiq etməklə, habelə Süni İntellekt texnologiyalarının imkanlarından məqsədyönlü şəkildə istifadə etməklə Şirkət eCommerce satışlarının artımını sürətləndirməyə davam edir.
Dünya miqyasında satış üçün potensial əqdlərin qiymətləndirilməsi
“İstehlakçı sağlamlığı sahəsində biznesimizi artırmağa davam etmək üçün biz özümüzün güclü daxili portfelimizi tamamlamaqla CHC sahəsindəki geniş platformamızı daha da gücləndirmək məqsədilə dünya miqyasında potensial satış obyektlərini aktiv şəkildə qiymətləndiririk. Eyni zamanda, biz ən dinamik şəkildə böyüyən dermatologiya, profilaktik sağlamlıq və “wellness” kimi kateqoriyalarda brend portfelimizi genişləndirmək imkanlarından istifadə etməyə davam edirik – deyə Qoldşmidt qeyd edib.
Gələcək məhsul portfelinin ardıcıl formalaşdırılması
“Bizim onkoloji məhsul portfelimiz yüksək potensiala malikdir və bura “enzalutamide” və “ruxolitinib” kimi molekullar daxildir, kardiovaskulyar preparatlar kateqoriyasında isə biz “rivaroxaban” preparatının cari tanıtdırılmasını “apixaban” və “edoxaban” preparatları ilə tamamlayırıq”.
“Bioanaloqlar sahəsindəki tərəfdaşlıqlarımız bazarlara tez bir zamanda nisbətən aşağı rəqabətli “golimumab” və “tocilizumab” kimi preparatlarla çıxışımızı təmin edir, bu da 2025-ci ilin sonunda Avropada “denosumab” preparatının satışa çıxarılmasının təmin etməkdədir, – deyə Qoldşmidt sözünə davam edib. – Biznesin inkişafı və lisenziyalaşdırmaya (BD&L) dair 2025-ci ildə bağlanmış 110 saziş, habelə məhsul istehsalı və lisenziyalaşdırma sahəsindəki geniş tərəfdaşlıq şəbəkəmiz sayəsində biz qarşımızdakı uzun illər üçün yüksək potensiallı layihələr portfeli formalaşdırmışıq”.
“Biz “semaglutide” əsaslı “Ozempic” və “Wegovy” brendləri, habelə “liragutide” əsaslı Saxenda və Victoza kimi “blokbasterlər”inə münasibətdə şəkərli diabet və artıq çəkinin müalicəsində istifadə olunan GLP‑1‑ preparatlarının eksklüzivlik müddətlərinin bitməsi ilə bağlı imkanlardan istifadəyə yönəlmiş olan yaxşı komplektləşdirilmiş məhsul portfelimiz və strategiyamız sayəsində tam hazır vəziyyətdəyik. Bundan əlavə, SGLT‑2 inhibitoru olan “empagliflozin” preparatı şəkərli diabetin terapiyasında portfelimizin əsas aktivlərindən biridir”.
Korporativ mədəniyyət effektivliyi müəyyən edir
STADA şirkətinin yenidən “TOP Employer Europe” statusu qazanmasını, Qazaxıstanda ardıcıl ikinci il “TOP Employer” sertifikatına layiq görülməsini, habelə əməkdaşların sonuncu sorğusunda işçilərin 88%-nin iştirak etməsini və hər beş nəfərdən dördünün STADA şirkətində işləməkdən qürur duyaraq sahənin orta göstəricilərini əhəmiyyətli dərəcədə üstələməsini qeyd edərək, Qoldşmidt nitqini yekunlaşdırıb: “Operativ fəaliyyətimiz və məhsul portfelimizin imkanları ilə yanaşı, STADA şirkətinin bazarı stabil şəkildə qabaqlamasına imkan verən amil kimi bizim unikal “One STADA” ruhumuz və inkişaf mədəniyyətimiz çıxış edir. Pasiyentlər üçün dərman preparatlarının etibarlı tədarükünü təmin etmək məqsədilə yarısından çoxunun istehsalat sahələrimizdə çalışdığı 12000-ə yaxın əməkdaşımızın bütün dünya üzrə müstəsna olaraq cəlb edilməsi bizim dayanıqlı inkişaf yolumuzun və “Etibarlı tərəfdaş kimi insanların sağlamlığına qayğı göstərmək” missiyamıza sadiqliyimizin əsasını təşkil edir”.
STADA Arzneimittel AG şirkəti haqqında
STADA Arzneimittel AG şirkətinin baş qərargahı Almaniyanın Bad Vilbel şəhərində yerləşir. Şirkət üç əsas istiqamətə əsaslanan strategiyanı reallaşdırmaqdadır: istehlakçı sağlamlığı məhsulları (consumer healthcare products), cenerik dərman preparatları (generics) və xüsusi preparatlar (specialty pharma). STADA Arzneimittel AG şirkəti öz məhsullarını dünya üzrə 100-dən çox ölkədə reallaşdırmaqdadır. 2024-cü maliyyə ilində STADA şirkətinin Qrup üzrə satış həcmi 4296 milyon avro, sabit valyutada düzəliş edilmiş EBITDA (adj. cc EBITDA) göstəricisi isə 961 milyon avro təşkil etmişdir. 31 dekabr 2025-ci il tarixinə olan məlumata görə STADA şirkətinin dünya üzrə işçilərinin sayı 11749 nəfər təşkil etmişdir.
