31.03.2026

CapVest şirkəti STADA-nın nəzarət səhm paketinin əldə edilməsini tamamladı

Bad Vilbel, Almaniya / London, Böyük Britaniya — 31 mart 2026-cı il — “CapVest Partners LLP” (“CapVest”) investisiya şirkəti istehlakçı sağlamlığı, ceneriklər və xüsusi dərman preparatları üzrə ixtisaslaşmış aparıcı beynəlxalq sağlamlıq və əczaçılıq şirkəti olan “STADA Arzneimittel AG” şirkətinin (“STADA” və ya “Şirkət”) nəzarət səhm paketinin əldə edilməsi üzrə razılaşmanın əldə olunmasını elan etdi.

2025-ci ilin təsirli nəticələrinə əsaslanaraq, razılaşmanın əldə olunması CapVest və STADA şirkətlərinin komandalarına şirkətin qlobal miqyasda inkişafını sürətləndirmək üçün iddialı planları birgə həyata keçirməyə, eləcə də kapitalı üzvi istiqamətdə böyümənin inkişafına və yeni strateji satınalmalara yönəltməyə şərait yaradacaqdır.

Hazırda STADA şirkətində dünyanın müxtəlif ölkələrindən olan təxminən 12000 əməkdaş çalışır. Şirkət istehlakçı sağlamlığı, ceneriklər və xüsusi preparatlara strateji olaraq istiqamətlənmiş səhiyyə sahəsində aparıcı diversifikasiya olunmuş qlobal platformalardan biridir. Bu yaxınlarda STADA şirkəti maliyyə ili üçün 4,3 milyard avro məbləğində rekord gəlir (əvvəlki illə müqayisədə 6% artım) və 961 milyon avroya bərabər düzəliş edilmiş EBITDA göstəricisinin tarixi maksimumunu elan etmişdir.

STADA şirkətinin Baş icraçı direktoru Peter Qoldşmidt qeyd etmişdir:

“Biz razılaşmanın əldə olunmasına şadıq. CapVest şirkətinin səhiyyə sahəsindəki dərin ekspertizası, eləcə də onların bizim iddialı inkişaf planlarımızı dəstəkləməyə sadiqliyi strateji hədəflərimizin həyata keçirilməsi istiqamətində mühüm üstünlüyümüzə çevriləcəkdir”.

CapVest şirkətinin tərəfdaşı Mettyu Farji əlavə olaraq qeyd etmişdir:

“Razılaşmanı əldə etdiyimiz müddətdə STADA şirkətinin komandası əsas regionlarda, eləcə də istehlakçı sağlamlığı, ceneriklər, bioanaloqlar və innovativ preparatlar kimi istiqamətlərdə inamlı inkişaf nümayiş etdirməyə davam etmişdir. Artıq müştərək iddialı planlarımızın həyata keçirilməsi üzərində fəal şəkildə birgə çalışa biləcəyimizə şadıq”.

Razılaşma bütün zəruri tənzimləyici icazələr alındıqdan və onun əldə olunması üçün standart şərtlər yerinə yetirildikdən sonra tamamlanmışdır.

Vacib məlumat

Hazırkı məlumatlandırmadakı informasiya hər hansı dövr üçün mənfəətin proqnozlaşdırılması və ya qiymətləndirilməsi deyildir və bu cür hesab edilməməli, həmçinin STADA şirkətinin gələcək fəaliyyət nəticələrinin qiymətləndirilməsi üçün istinad kimi istifadə olunmamalıdır. Hazırkı məlumatlandırma əhəmiyyətli risklərlə və qeyri-müəyyənliklərlə bağlı proqnoz xarakterli bəyanatlardan ibarət ola bilər. Faktiki məlumatlar istisna olmaqla, STADA şirkətinin gələcək maliyyə vəziyyəti, riskləri və qeyri-müəyyənlikləri, strategiyası, kapital xərcləri, proqnozlaşdırılan xərcləri, şirkətin planları və məqsədlər haqqındakı bütün bəyanatlar, lakin bunlarla məhdudlaşmayaraq, proqnoz xarakterli bəyanatlar kimi hesab edilə bilər.

Bu cür bəyanatları ifadə etmək üçün “hesab etmək”, “gözləmək”, “ehtimal etmək”, “ola bilər”, “planlaşdırmaq”, “niyyətində olmaq”, “olacaqdır”, “olmalıdır”, “qiymətləndirmək”, “risk” və buna bənzər ifadələrdən istifadə olunur. Bu cür ifadələr gələcək hadisələrə aid olmaları, eləcə də baş verə biləcək və ya verməyəcək hallardan asılı olduqları üçün öz mahiyyəti etibarilə məlum və naməlum risklər və qeyri-müəyyənliklərlə bağlıdır.

Proqnozlaşdırılan bəyanatlar gələcək nəticələrin zəmanəti deyildir və onlara həddindən artıq etibar edilməməlidir. STADA şirkəti yeni məlumatların ortaya çıxması, gələcək hadisələr və ya digər hallar ilə əlaqədar olaraq bu cür bəyanatları yeniləmək öhdəliyini öz üzərinə götürmür. Proqnozların, hədəf göstəricilərinin və qiymətləndirmələrin əldə olunmasına və ya əsaslılığına münasibətdə heç bir zəmanət verilmir.

Hazırkı məlumatlandırma müstəsna olaraq məlumat xarakteri daşıyır və hər hansı yurisdiksiya çərçivəsində emissiya prospekti, qiymətli kağızların satışına dair təklif və ya onların satın alınması üçün dəvət deyildir. STADA şirkətinin internet saytının və onunla əlaqəli istənilən saytların məzmunu bu məlumatlandırmanın bir hissəsi deyildir. Bu məlumatlandırmanın açıqlanması qanunvericiliklə məhdudlaşdırıla bilər; bu məlumatlandırmaya giriş əldə etmiş şəxslər bu cür məhdudiyyətlərlə müstəqil şəkildə tanış olmalı və onlara riayət etməlidirlər. Onlara riayət olunmaması qiymətli kağızlar haqqında qanunvericiliyin tələblərinin pozulması kimi qiymətləndirilə bilər. Hazırkı məlumatlandırma çərçivəsindəki pul vəsaitləri və ya digər aktivlər tələb edilmir və qəbul olunmur.

Hazırkı məlumatlandırma açıqlanana qədər 16 aprel 2014-cü il tarixli (Aİ) 596/2014 №-li Reqlamentinə uyğun olaraq insayder informasiyası hesab edilə bilən məlumatlardan ibarətdir.

“CapVest” haqqında

“CapVest Partners LLP” — bizneslərin transformasiyası üçün əsas mal və xidmətlər təqdim etməkdə olan iddialı şirkətlərlə əməkdaşlıq edən və “private equity” sahəsində aparıcı yer tutan beynəlxalq investisiya şirkətidir. Şirkət rəhbərliklə sıx qarşılıqlı əlaqə, eləcə də üzvi böyümə və M&A razılaşmaları vasitəsilə portfel şirkətlərinin genişləndirilməsi hesabına dayanıqlı nəticələr nümayiş etdirərək aktiv və uzunmüddətli investisiyalar yatırmaqdadır. Əsas sahələri səhiyyə, gündəlik tələbat malları və həyati əhəmiyyətli xidmətlərdir.

“STADA Arzneimittel AG” haqqında

“STADA Arzneimittel AG” — baş qərargahı Bad Vilbeldə (Almaniya) yerləşən, eləcə də istehlakçı sağlamlığı, ceneriklər və xüsusi preparatlar) kimi üç istiqamətli strategiyanı həyata keçirən əczaçılıq şirkətidir. Şirkətin məhsulları dünyanın 100-dən çox ölkəsində təqdim olunur.

2025-ci maliyyə ilinin yekunlarına görə qrupun gəliri 4296 milyon avro, düzəliş edilmiş EBITDA isə (sabit valyutada) 960 milyon avro təşkil etmişdir. 31 dekabr 2025-ci il tarixinə şirkətdə dünyanın müxtəlif ölkələrindən olan 11670 əməkdaş çalışmışdır.