Bu mətn www.stada.com rəsmi saytında yerləşdirilmiş CapVest to acquire majority stake in STADA | STADA adlı press-relizin tərcüməsidir. İngilis dilində olan mətn əsas hesab edilir.

· CapVest investisiya şirkəti Bain Capital və Cinven-dən STADA şirkətinin nəzarət səhm paketinin alınmasına dair yekun müqavilə imzalayıb.

· Bain Capital və Cinven şirkətləri STADA-nın kapitalında pay sahibliklərini qorumaqla onun minoritar səhmdarları olaraq qalacaqdır.

· STADA şirkətinin Baş direktoru Peter Qoldşmidt belə şərh edib: “CapVest şirkətinin menecmentlə sıx əməkdaşlığı, çox sayda investisiya, üzvi inkişaf, birləşmə və satınalma vasitəsilə genişlənmə, əməliyyat mükəmməlliyi və uzunmüddətli dəyərin yaradılması hesabına şirkətlərin portfellərinin ölçüsünün və miqyasının transformasiyası STADA-nın uğurunun əsasında duran eyni prinsipləri əks etdirir”.

Bad Vilbel, Almaniya, və London, Böyük Britaniya, 1 sentyabr 2025-ci il, CapVest Partners LLP (“CapVest”) aparıcı beynəlxalq investisiya şirkəti Bain Capital və Cinven ilə STADA Arzneimittel AG (“STADA” və ya “Şirkət”) şirkətinin nəzarət səhm paketinin alınmasına dair yekun sazişin imzalanmasını elan edib. STADA – istehlakçı sağlamlığı (Consumer Healthcare) sektoru üçün məhsulların, xüsusi dərman vasitələrinin və ceneriklərin istehsalı sahəsində ixtisaslaşmış aparıcı beynəlxalq şirkətdir.

STADA Arzneimittel AG şirkətinin baş qərargahı Almaniyanın Bad Vilbel şəhərində yerləşir. STADA üç strateji istiqamətə fokuslanır: istehlakçı sağlamlığı, ceneriklər və xüsusi məhsullar. Şirkət 2017-ci ildə Bain Capital və Cinven tərəfindən satın alınmışdır. Bu investisiya fondlarının dəstəyi ilə STADA şirkəti ənənəvi alman cenerik istehsalçısından səhiyyə sahəsində diqqətini strateji olaraq istehlakçı sağlamlığına, ceneriklərə və xüsusi məhsullara yönəltmiş aparıcı qlobal platformaya çevrilmişdir. Bu dövr ərzində şirkət xeyli nailiyyətlər əldə edərək, gəliri 4 milyard avronu aşan, illik təmiz satışlarının ümumi artım tempi 9% olan, həmçinin 2017-ci ildən etibarən EBITDA göstəricisini iki dəfədən çox artıran çoxfunksiyalı və dayanıqlı bir biznesə çevrilmişdir. Hazırda STADA şirkətində dünyanın müxtəlif ölkələrindən olan təxminən 11600 əməkdaş çalışır.

Səhiyyə sahəsində 20 ildən artıq investisiya təcrübəsinə malik aparıcı beynəlxalq özəl investisiya fondlarından biri olan CapVest şirkəti STADA-ya dərin sənaye ekspertizası gətirəcək. Şirkət ilkin tələbat məhsul və xidmətləri tədarük edən iddialı bizneslərlə tərəfdaşlıq sahəsində ixtisaslaşmışdır. CapVest şirkəti STADA-nın yeni inkişaf mərhələsinə keçid etməsinə kömək edəcəkdir. Razılaşmanın müddəti bitdikdən də sonra da Bain Capital və Cinven şirkətləri STADA-nın kapitalında öz minoritar paylarını qoruyacaqlar ki, bu da onların STADA-nın gələcək inkişafına inamını və idarəetmə komandasına dəstəyi davam etdirmək niyyətini vurğulayır.

Razılaşmanın şərtləri açıqlanmır, tranzaksiyanın tamamlanması isə tənzimləyici orqanların təsdiqi və digər standart şərtlərin yerinə yetirilməsindən asılıdır. Razılaşmanın tamamlanması 2026-cı ilin əvvəlində gözlənilir.

Mettyu Farjinin (CapVest) şərhi:

“Biz uzun müddətdir ki, insanların sağlamlığına qayğı üzərində qurulmuş STADA şirkətinin özünə, onun zəngin tarixinə, aparıcı məhsul xətlərinə və korporativ mədəniyyətinə heyranıq. Peter Qoldşmidt və STADA şirkətinin bütün komandası əla nəticələr göstərmişdir. STADA – unikal strateji platformadır. Və biz də həm Almaniyanın daxili bazarında, həm də beynəlxalq bazarlarda şirkətin inkişafını sürətləndirmək üçün səhiyyə və istehlak məhsulları sahəsində geniş təcrübəmizdən istifadə etmək niyyətindəyik. Biz şirkətə böyük həcmdə investisiya qoymağı və STADA-nın yeni inkişaf mərhələsində Peter Qoldşmidt və onun komandası ilə çalışmağı səbirsizliklə gözləyirik.”

Peter Qoldşmidtin (STADA şirkətinin Baş icraçı direktoru (CEO) şərhi:

“CapVest şirkətinin menecmentlə sıx əməkdaşlığına, şirkətlərin portfelinin diversifikasiyasına, birləşmə və satınalma vasitəsilə böyüməyə, əməliyyat mükəmməlliyinə və uzunmüddətli dəyərin yaradılmasına yönəlməsi STADA-nın indiyədək əldə etdiyi uğurların əsas prinsipləri ilə tam uyğundur. Səhiyyə və əczaçılıq bazarlarını dərindən anlayan CapVest şirkəti sahəmizdə çoxsaylı imkanları həyata keçirməklə şirkətin qarşısında qoyduğu məqsədlərinə çatması üçün yeni ideal tərəfdaşdır. Bain Capital və Cinven şirkətləri STADA-nın istehlakçı sağlamlığı, ceneriklər və xüsusi məhsullar seqmentlərində qlobal liderə çevrilməsi yolunda əla tərəfdaşlar olmuşlar. Onların dəstəyi və strategiyamıza olan inamı bizə böyüməyimizi sürətləndirmək, innovasiyalar tətbiq etmək və beynəlxalq arenada mövcudluğumuzu genişləndirmək imkanları yaratmışdır.”

CapVest şirkətinin aparıcı maliyyə məsləhətçiləri: Canson Capital Partners və Centerview Partners.

STADA Arzneimittel AG şirkəti

STADA şirkətinin baş qərargahı Almaniyanın Bad Vilbel şəhərində yerləşir. Şirkət üç əsas istiqamətə əsaslanan strategiyanı reallaşdırmaqdadır: istehlakçı sağlamlığı məhsulları, ceneriklər və xüsusi preparatlar. STADA şirkətinin məhsulları dünyanın 100-dən çox ölkəsində satılır. 2024 maliyyə ilində STADA şirkətinin qrup gəliri 4,059 milyard avro, düzəliş edilmiş EBITDA göstəricisi (sabit valyutada) isə 886 milyon avro təşkil etmişdir. 31 dekabr 2024-cü il tarixinə şirkətdə dünyanın müxtəlif ölkələrindən olan 11649 əməkdaş çalışmışdır.

CapVest şirkəti haqqında

CapVest şirkəti – ilkin tələbat məhsul və xidmətləri təqdim edən şirkətlərin transformasiyası əsasında ixtisaslaşmış aparıcı beynəlxalq özəl investisiya fondudur. İnvestisiyaların idarə edilməsində aktiv və uzunmüddətli yanaşma prinsiplərinə əsaslanan CapVest şirkəti həm üzvi inkişaf, həm də birləşmə və satınalma razılaşmaları vasitəsilə böyüməni təmin etməklə öz portfelindəki şirkətlərin bizneslərini genişləndirməkdə uğurlu tərəfdaş kimi tanınır. CapVest şirkəti diqqətini əsasən səhiyyə, kütləvi istehlak malları və ilkin tələbat xidmətləri kimi məhsul və xidmətlərə dayanıqlı tələbatın olduğu sahələrə yönəltmişdir.

KİV üçün əlaqə vasitələri:

CapVest

Ben Valdimarsson – Reputation Inc

Telefon: +44 (0) 7889 805 930

E-poçt: bvaldimarsson@reputation-inc.com

STADA – jurnalistlər üçün məlumat

STADA Arzneimittel AG - Media Relations

Stadastrasse 2-18, 61118 Bad Vilbel, Almaniya

Telefon: +49 (0) 6101 603-165

E-poçt: press@stada.de

STADA – maliyyə bazarı iştirakçıları üçün məlumat

STADA Arzneimittel AG - Investor & Creditor Relations

Stadastrasse 2-18, 61118 Bad Vilbel, Almaniya

Telefon: +49 (0) 6101 603-4689

Faks: +49 (0) 6101 603-215

E-poçt: ir@stada.de

CapVest investisiya şirkəti Bain Capital və Cinven-dən STADA şirkətinin nəzarət səhm paketini alır