VARFARİN ŞTADA (tabletlər)

Təsiredici komponent: 1 tabletin tərkibində 2,5 mq natrium varfarin vardır.

Köməkçi komponentlər: laktoza, qarğıdalı nişastası, maqnezium stearat, povidon 30, kalsium hidrofosfat dihidrat, indiqokarmin, povidon 30.

Açıq mavi rəngdə, xaçşəkilli bölgü xətti olan, iki tərəfdən qabarıq, girdə tabletlərdir.

Dolayı təsirli laxtalanmaəleyhinə vasitə.

Varfarin qaraciyərdə qanın K vitaminindən asılı laxtalanma faktorlarının (II, VII, IX, və X faktorlarının) sintezini tormozlayır. Həmin komponentlərin qanda konsentrasiyası azalır, laxtalanma prosesi ləngiyir. Antikoaqulyant təsir qəbuldan 36-72 saat sonra başlayır, maksimal effekt isə 5-7-ci gün əldə edilir. Preparatın qəbulunun dayandırılmasından sonra K vitaminindən asılı qanın laxtalanma faktorlarının aktivliyinin bərpası 4-5 gün müddətində baş verir.

Preparat tez bir zamanda mədə-bağırsaq traktından sorulur. Qan plazmasının zülalları ilə birləşməsi 97-99% təşkil edir. Qaraciyərdə metabolizmə uğrayır. Varfarin rasemik qarışıq olub, onun R- və S-izomerləri qaraciyərdə fərqli yollar vasitəsi ilə metabolizə olunur. Hər bir izomer 2 əsas metabolitə çevrilir. Varfarinin S-enantiomeri üçün əsas katalizator CYP2C9 fermentidir, R-enantiomeri üçün isə CYP1A2 və CYP3A4. Varfarinin sol izomerinin (S-varfarin) antikoaqulyant aktivliyi sağ izomeri (R-enantiomer) ilə müqayisədə 2-5 dəfə daha artıqdır, lakin sağ izomerin yarımxaricolma dövrü daha uzunmüddətlidir. CYP2C9 fermentinin (CYP2C92 və CYP2C93 allelləri daxil olmaqla) polimorfizmi ilə pasiyentlərdə varfarinə qarşı yüksək həssaslıq və qanaxma inkişafının yüksək riski qeyd oluna bilər.

Varfarin orqanizmdən öd ilə MBT-da reabsorbsiya olunan və sidik ilə xaric edilən qeyri-aktiv metabolitlər şəkilində ixrac edilir. Yarımxaricolma dövrü 20-60 saat təşkil edir. R-enantiomerin yarımxaricolma dövrü 37-89 saat, S-enantiomerin isə – 21-43 saat təşkil edir.

Varfarinlə müalicənin mütləq şərti pasiyentin preparatın təyin olunmuş dozasının qəbuluna riayət edilməsidir.

Alkoqolizmdən əziyyət çəkən pasiyentlər və, həmçinin demensiya ilə pasiyentlər, varfarinin təyin edilmiş qəbul rejiminə riayət etmək qabiliyyətinə malik olmaya bilər.

Yüksək hərarət, hipertireoz, dekompənsə olunmuş ürək çatışmazlığı, qaraciyərin zədələnməsi ilə müşayiət olunan alkoqolizm kimi vəziyyətlər varfarinin təsirini gücləndirə bilər. Hipotireoz zamanı varfarinin effekti zəifləyə bilər. Böyrək çatışmazlığı və ya nefrotik sindrom zamanı varfarinin sərbəst fraksiyasının qan plazmasında konsentrasiyası yüksəlir ki, bu da yanaşı xəstəliklərdən asılı olaraq varfarinin effektinin güclənməsinə və ya zəifləməsinə səbəb ola bilər. Orta dərəcəli qaraciyər çatışmazlığı zamanı varfarinin effekti güclənir.

Yuxarıda göstərilən bütün vəziyyətlər zamanı BNN göstəricisinin səviyyəsinin ciddi monitorinqi aparılmalıdır.

Varfarin qəbul edən pasiyentlərə ağrıkəsici preparat olaraq parasetamolun, tramadolun və ya opiatların təyini tövsiyə olunur.

СYP2C9 fermentini kodlaşdıran genin mutasiyası olan pasiyentlərdə varfarinin yarımxaricolma dövrü daha uzunmüddətlidir. Həmin pasiyentlərə preparatın daha aşağı dozaları tələb olunur, çünki adi terapevtik dozaların qəbulu zamanı qanaxmaların inkişafı riski yüksəlir. Preparatın tərkibində laktoza (köməkçi maddə qismində) olduğu üçün, qalaktozanın nadir anadangəlmə dözümsüzlüyü, laktaza çatışmazlığı, qlükozo-qalaktoz malabsobsiyası olan pasiyentlərə varfarinin qəbulu tövsiyə edilmir.

Antitrombotik effektin tez bir zamanda əldə edilməsi tələb olunduğu halda müalicənin heparinin yeridilməsi ilə başlanması tövsiyə olunur; sonra isə 5-7 gün müddətində (BNN göstəricisinin məqsədli səviyyəsi 2 gün müddətində saxlananadək) heparin və varfarinlə kombinə olunmuş müalicə aparılmalıdır (“İstifadə qaydası və dozalama” bölməsinə bax).

C proteinin çatışmazlığı olan pasiyentlərdə varfarinlə müalicənin əvvəlində dəri nekrozunun inkişafı riski mövcuddur. Qeyd olunan müalicə varfarinin zərbə dozası olmadan (hətta heparin istifadə olunduğu halda) başlanmalıdır. VKORC1 kodlayan bəzi gen mutasiyalarına malik xəstələr varfarinə qarşı yüksək həssaslığa malikdirlər və aşağı dəstəkləyici doza almalıdırlar ("Əlavə təsirləri" bölməsinə bax). S proteinin çatışmazlığı olan pasiyentlər həmçinin qeyd olunan riskə məruz qala bilər, həmin halda varfarinlə müalicənin daha ləng başlanması tövsiyə edilir.

Varfarinə qarşı fərdi rezistentlik olduğu halda (çox nadir hallarda rast gəlinir) terapevtik effektin əldə edilməsi üçün varfarinin 5-dən 20 qədər zərbə dozası tələb olunur. Həmin pasiyentlərdə varfarinin qəbulu qeyri-effektiv olduğu halda digər mümkün olan səbəblər müəyyən edilməlidir, məsələn: varfarinin digər dərman vasitələri ilə yanaşı qəbulu (“Digər dərman vasitələri ilə qarşılıqlı təsiri” bölməsinə bax), qeyri-adekvat qida rasionu, laborator səhvlər.

Ahıl yaşlı pasiyentlərin müalicəsi zamanı xüsusi ehtiyat tədbirlərinə riayət edilməsi tələb olunur, çünki həmin pasiyentlərdə laxtalanma faktorların sintezi və qaraciyər metabolizmi zəifləyir ki, bu da varfarinin təsirinin həddindən artıq güclü effektinə səbəb ola bilər.

Böyrək funksiyasının pozulması ilə pasiyentlərdə varfarinin ehtiyat ilə təyin edilməsi tövsiyə olunur, bu səbəbdən, hiperkoaqulyasiya riski olan pasiyentlərdə, məsələn, ağır arterial hipertenziya və ya böyrək xəstəlikləri zamanı, BNN göstəricisinin daha ciddi monitorinqi aparılmalıdır (“İstifadə qaydası və dozalama” bölməsinə bax).

Varfarinlə müalicə alan pasiyentlərdə dəri nekrozu ilə müşayiət olunan və ölüm hallarının yüksək tezliyi ilə xarakterizə olan nadir damarların kalsifikasiyası sindromunun inkişafı halları qeydə alınmışdır. Qeyd olunan xəstəlik daha çox dializdə olan böyrək çatışmazlığının terminal mərhələsi ilə pasiyentlərdə və ya C və ya S proteini çatışmazlığı, hiperfosfatemiya, hiperkalsemiya və ya hipoalbuminemiya kimi risk faktorları olan pasiyentlərdə inkişaf edir. Varfarin qəbul edən pasiyentlərdə, həmçinin böyrək xəstəlikləri olmayan pasiyentlərdə, kalsifilaksiya inkişafının nadir halları haqqında məlumat verilmişdir. Kalsifilaksiya simptomatik müalicənin aparılmasını tələb edir, və təsdiq edilmiş kalsifilaksiya zamanı, alternativ antikoaqulyantlar mövcud olduğu halda, varfarinlə müalicənin dayandırılmasına dair qərarın verilməsi fərdi olaraq qiymətləndirilir.

Varfarin tez bir zamanda ciftdən keçərək dölə teratogen təsir göstərir ki, bu da hamiləliyin 6-12-ci həftəsində döldə varfarin sindromunun inkişafına səbəb olur. Həmin sindromun təzahürləri: nazal hipoplaziya (burunun yəhərvari deformasiyası və digər qığırdaq dəyişiklikləri) və rentgenoloji müayinə zamanı nöqtəvari xondrodisplaziya (xüsusilə də onurğa sütununda və uzun borulu sümüklərdə), qısa əllər və əl barmaqları, tam və ya hissəvi körluğun inkişafı ilə nəticələnən görmə sinirinin atrofiyası, katarakta, əqli və fiziki inkişafın ləngiməsi və mikrosefaliya. Preparat hamiləliyin sonunda və doğuş zamanı qanaxmanın inkişafına səbəb ola bilər. Preparatın hamiləlik zamanı istifadəsi anadangəlmə inkişaf qüsurlarına və dölün ölümünə səbəb ola bilər. Hamiləliyin 1-ci trimestrində və son 4 həftəsi müddətində preparatın təyini yolverilməzdir. Hamiləliyin digər həftələrində varfarinin istifadəsi tövsiyə edilmir, təcili hallar istisna olmaqla. Reproduktiv yaş dövründə olan qadınlar varfarinin qəbulu dövründə effektiv kontrasepsiya üsullarından istifadə etməlidir. Varfarin ana südü ilə xaric edilir, lakin varfarinin terapevtik dozalarının qəbulu uşağın ana südü ilə qidalandırılmasına təsir etmədiyi ehtimal edilir. Varfarin ana südü ilə qidalandırma zamanı istifadə oluna bilər. Varfarinin fertilliyə olan təsiri haqqında məlumat mövcud deyil.

Müalicənin effektivliyinin göstəricisi qanaxmaların inkişafı sərhədində yerləşdiyi üçün, pasiyentlərdə mikrohematuriya, damaqlardan qanaxma və s. kimi cüzi qanaxmalar qeyd oluna bilər. Yüngül hallarda preparatın dozasının azaldılması və ya qısa müddətdə müalicənin dayandırılması kifayətdir. Cüzi qanaxmalar zamanı preparatın qəbulu BNN göstəricisinin məqsədli səviyyəsi əldə edilənədək dayandırılmalıdır. Ağır qanaxma inkişaf etdiyi halda K vitamini (venadaxili) və aktivləşdirilmiş kömür, laxtalanma faktorların konsentratı və ya təzə dondurulmuş plazma yeridilməlidir.

Gələcəkdə peroral antikoaqulyantların təyini nəzərdə tutulduğu halda K vitamininin yüksək dozalarından qaçınmaq lazımdır, çünki varfarinə qarşı rezistentlik 2 həftə müddətində inkişaf edir.

Doza həddinin aşılması zamanı müalicə sxemi

Müalicənin aparılmasından sonra, varfarinin yarımxaricolma dövrü 20-60 saat təşkil etdiyini nəzərə alaraq, pasiyent uzun müddət nəzarət altında saxlanılmalıdır.

Arzuolunmaz reaksiyalar sistem və orqanlar üzrə və normativ-hüquqi fəaliyyət üçün nəzərdə tutulmuş Tibbi lüğətə (Med-DRA) müvafiq olaraq və həmçinin, rastgəlmə tezliyinə əsasən (çox tez-tez (≥1/10), tez-tez (≥1/100-<1/10), bəzən (≥1/1000-<1/100), nadir (≥10 000-<1/1000), çox nadir (<1/10 000), tezliyi məlum olmayan (əldə olan məlumatlara əsasən qiymətləndirilməsi mümkün deyil).

Müalicə həkiminin məsləhəti olmadan digər dərman vasitələrinin qəbulunun başlanması və ya dayandırılması və, həmçinin, qəbul edilən preparatların dozalarının dəyişilməsi tövsiyə olunmur.

Yanaşı təyini zamanı, həmçinin, varfarinin təsirinin digər dərman vasitələri tərəfindən gücləndirilməsi və/və ya zəiflətməsini də nəzərə almaq lazımdır.

Varfarinin trombositlərin konsentrasiyasına və birincili hemostaza təsir göstərən dərman vasitələri (asetilsalisil turşusu, klopidoqrel, tiklopidin, dipiridamol, əksər qeyri-steroid iltihab əleyhinə vasitələr (siklooksigenaza-2 inhibitorları istisna olmaqla), yüksək dozada penisillin qrupu antibiotikləri) ilə yanaşı istifadəsi zamanı ağır qanaxmaların inkişafı riski yüksəlir.

Varfarinin, həmçinin sitoxrom P450 sisteminə güclü inhibisiya edici təsir göstərən preparatlar (məsələn, simetidin və xloramfenikol) ilə yanaşı istifadəsi tövsiyə edilmir, çünki qeyd olunan preparatların qəbulu zamanı bir neçə gün müddətində qanaxma təhlükəsi artır. Qeyd olunan hallarda simetidin, məsələn, ranitidin və ya famotidin ilə əvəz oluna bilər.

Varfarinin effektini azaldan dərman vasitələri

Varfarinin effektini gücləndirən vasitələr

Varfarinin effektini zəiflədən və ya gücləndirən vasitələr

Varfarin peroral hipoqlikemik vasitələrin – sulfonil sidik cövhərinin törəmələrinin – təsirini gücləndirə bilər.

Varfarinin yuxarıda göstərilən preparatlar ilə yanaşı istifadəsi zamanı müalicənin əvvəlində və sonunda və, imkan daxilində, müalicənin başlanğıcından 2-3 həftə sonra BNN göstəricisinin səviyyəsinin nəzarəti aparılmalıdır.

Qanaxmalar

İl ərzində varfarin qəbul edən pasiyentlərdə təxminən 8% halda qanaxmalar qeyd olunur. Onlardan 1%-i hospitalizasiyanı və ya qan köçürməni tələb edən ağır (kəllədaxili, retroperitoneal) və 0,25%-i fatal kimi qiymətləndirilir. Kəllədaxili qanaxmanın yaranması üçün daha çox rast gəlinən risk faktoru - müalicə olunmamış və ya nəzarət olunmayan arterial hipertenziyadır. BNN göstəricisinin səviyyəsi məqsədli göstəricinin səviyyəsi ilə müqayisədə nəzərə çarpan dərəcədə yüksək olduğu halda qanaxma ehtimalı yüksəlir. Məqsədli göstəricinin səviyyəsi çərçivəsində olan BNN zamanı qanaxmanın baş verməsi, digər yanaşı şərtlərin mövcud olmasının əlaməti olub, həmin şərtlər tədqiq olunmalıdır.

Qeyd olunan fəsadlar burun qanaxmaları, qanhayxırma, hematuriya, damaq qanaxması, dəridə qançırlar, vaginal qanaxma, subkonyunktival qanaxma, düz bağırsaqdan və MBT-nın digər şöbələrindən qanaxma, beyin qanaxması, travmalardan və əməliyyatlardan sonra uzunmüddətli və ya güclü qanaxma ola bilər. Qanaxma (o cümlədən güclü) hər bir orqanda baş verə bilər. Antikoaqulyantlar ilə uzunmüddətli müalicə alan pasiyentlərdə ölüm ilə nəticələnən və ya hospitalizasiyanı və ya qan köçürməni tələb edən qanaxmaların inkişafı haqqında məlumat verilmişdir. Varafrinin qəbulu zamanı güclü qanaxma inkişafının müstəqil risk faktorlarına aiddir: ahıl yaş dövrü, antikoaqulyasiyanın yüksək səviyyəsi, anamnezdə insult, anamnezdə mədə-bağırsaq qanaxması, yanaşı xəstəliklər və qulaqcıqların fibrillyasiyası. CYP2C9 polimorfizmi (“Farmakokinetika” bölməsinə bax) ilə pasiyentlərdə həddindən artıq güclü antikoaqulyant təsirinin və qanaxma hallarının yüksək riski qeyd oluna bilər. Həmin pasiyentlərdə hemoqlobin və BNN göstəricisinin səviyyəsi ciddi nəzarət altında saxlanılmalıdır.

Mədə-bağırsaq traktı baş verən: qusma, ürək bulanma, ishal.

Nekrozlar

Kumarin nekrozu – varfarinlə müalicə zamanı nadir hallarda rast gəlinən fəsaddır. Nekroz, adətən, aşağı ətraf və sağrı nahiyyəsinin dərisinin şişkinliyi və qaralması ilə başlayır. Sonradan isə zədələnmiş nahiyyələrdə nekroz inkişaf edir. 90% hallarda nekroz qadınlarda inkişaf edir. Zədələnmə preparatın qəbulundan sonra 3-10 gün müddətində qeyd olunur və onun antitrombotik protein C və ya S çatışmazlığı ilə bağlı olduğu ehtimal edilir. Həmin proteinlərin anadangəlmə çatışmazlığı fəsadların inkişafı ilə nəticələnə bilər, bu səbəbdən varfarinin qəbulu heparinin yeridilməsi ilə yanaşı və kiçik başlanğıc dozalar ilə başlanmalıdır. Fəsad inkişaf etdiyi halda varfarinin qəbulu dayandırılır və dəri zədələnmələrinin sağalmasına və ya çapıqlanmasına qədər heparinin yeridilməsi davam etdirilir.

Ovuc-pəncə sindromu

Varfarinlə müalicə zamanı çox nadir hallarda rast gəlinən fəsaddır. Həmin sindromun inkişafı daha çox aterosklerotik xəstəlikləri olan kişilərə xasdır. Ehtimal edilir ki, varfarin ateromatoz piləklərin hemorragiyasına səbəb olur ki, bu da mikroemboliyaların inkişafı ilə nəticələnir. Barmaqların və ayaqların altının dərisinin şiddətli ağrılar ilə müşayiət olunan simmetrik purpur zədələnməsi qeyd olunur. Varfarinin qəbulunun dayandırılmasından sonra qeyd olunan simptomlar tədricən aradan qaldırılır.

Digər

Dəri səpgisi ilə özünü büruzə verən və “qaraciyər” fermentlərinin aktivliyinin tranzitor yüksəlməsi, xolestatik hepatit, vaskulit, priapizm, dönən alopesiya və nəfəs borusu kalsifikasiyası ilə xarakterizə olunan hiperhəssaslıq reaksiyaları.

Varfarinlə müalicə zamanı ciddi qanaxmaların inkişafının müstəqil risk faktorları aşağıdakılardır: ahıl yaş dövrü, yanaşı antikoaqulyant və antiaqreqant müalicənin yüksək intensivliyi, anamnezdə insultların və mədə-bağırsaq qanaxmaların mövcudluğu.

СYP2C9 və VKORC1 polimorfizmi ilə pasiyentlərdə qanaxmaların inkişafı riski daha yüksəkdir.

25°C-dən aşağı temperaturda və uşaqların əli çatmayan yerdə saxlamaq lazımdır.

5 il. Yararlılıq müddəti bitdikdən sonra istifadə etmək olmaz.

Resept əsasında buraxılır.

"ŞTADA Arsnaymittel AG", Almaniya
Ştadaştrasse 2-18, D-61118, Bad Filbel, Almaniya.
Tel.: +49-6101-603-0;
Faks: +49-6101-603-259.

Takeda Pharma Sp. z.o.o., Polşa.
12 Ksiestva Lovickiego St., 99-420 Lyszkoviçe, Polşa.
Takeda Pharma Sp. z.o.o., Poland.
12 Ksiestwa Lowickiego St., 99-420 Lyszkowice, Poland.

İstehlakçıların etirazları bu ünvana yönəldilməlidir

“Nijfarm” SC, Rusiya.
603950, Nijniy-Novqorod ş., Salqanskaya k., 7.
Tel.: (831) 278-80-88.
Faks: (831) 430-72-28.
e-mail: med@stada.ru